SOCAR-ın sabiq vitse-prezidentinin oğlu axtarışa verildi
SOCAR-ın sabiq vitse-prezidenti Mikayıl İsmayılovun oğlu Orxan İsmayılzadə növbəti dəfə axtarışa verilib.
Bu barədə Musavat.com-a daxil olan məlumatda deyilir ki, Orxan İsmayılzadə aliment borcunu ödəməkdən yayınır.
İş üzrə iddiaçı Fidan Abbasova Musavat.com-a məlumatı təsdiqləyib, bildirib ki, Orxan İsmayılzadənin saxlanılması barədə təqdimatı icra məmuru Gülarə Məmmədova verib.
Sabunçu Məhkəməsinin hakimi Şəbnur Qədirova təqdimatı əsaslı hesab edib və qəbul olunan qərara görə, polis Orxan İsmayılzadəni saxlamalı və icra orqanına təhvil verməlidir.
Xatırladaq ki, bu, Orxan İsmayılzadə barədə ilk belə qərar deyil. Bundan əvvəl də çıxarılan axtarış qərarı üzrə Orxan İsmayılzadənin saxlanılması Sabunçu Rayon Polis İdarəsinə həvalə olunmuşdu.
O zaman da oliqarx oğlunun axtarışa verilmə səbəbi isə məhkəmə qərarını icra etməkdən yayınması idi. Ötən il Sabunçu Rayon Məhkəməsi Azərbaycan Respublikası adından Orxan İsmayılzadənin qızı Nil Abbasovanın saxlanılması üçün hər ay 500 manat aliment ödəməsi barədə qərar çıxarıb. Orxan İsmayılzadə bu qərarı mübahisələndirib. Lakin apellyasiya instansiyası Sabunçu Rayon Məhkəməsinin qərarını qüvvədə saxlayıb. Gözlənilirdi ki, bu qərardan sonra Orxan İsmayılzadə dövlət adından çıxarılmış qərarı icra edəcək, övladının saxlanılması üçün alimenti ödəyəcək. Lakin oliqarx Mikayıl İsmayılovun oğlu bu günə qədər aliment ödəməkdən yayınır, məhkəmələrin təyin etdiyi atalıq testindən keçməkdən də 7 dəfə yayınıb.
Sabunçu, Xətai, Apellyasiya Məhkəmələrinin qərarlarına əsasən, Orxan İsmayılzadə bioloji atalıq testindən keçməlidir. Bu testdən keçməklə Orxan İsmayılzadə Fidan Abbasovanın iddiasını təkzib edə və ya təsdiqləyə bilərdi. Aydınlaşardı ki, Fidan Abbasovanın onun qızı kimi təqdim etdiyi Nil Abbasovanın atasıdır və ya deyil.
Orxan İsmayılzadə isə 3 ayrı-ayrı məhkəmənin təyin etdiyi atalıq testindən keçməkdən qərəzli şəkildə yayınıb.
Belə olan halda qanun deyir ki, ekspertizadan - atalıq testindən imtina edən şəxs nəticə ilə razılaşmış sayılır. Bu isə o deməkdir ki, Orxan İsmayılzadə özü bilə-bilə övladını tanımaqdan imtina edir və bu faktdan qaçır. Fidan Abbasovanın məhkəmələrə təqdim etdiyi sübutlar Nilin atasının məhz Orxan İsmayılzadə olmasını isbatlayır. Müvafiq olaraq Orxan İsmayılzadənin övladını saxlamaq üçün aliment ödəməsini şərtləndirir. Fidan Abbasova ilə faktiki nikahda olan Orxan İsmayılzadənin övladı Nilin atasının kim olduğu artıq məhkəmə qərarları ilə tanınıb. Lakin oliqarx İsmayılovun oğlu, milyonlarla sərvətin içində yaşayan biri qızına ayda cəmi 500 manat aliment ödəməkdən imtina edir. Sabunçu Rayon İcra Şöbəsinin icra məmurunun təqdimatı əsasında onun əmlakına da həbs qoyulub. Artıq yeni məhkəmə qərarı var Orxan İsmayılzadə axtarışdadır. Əgər düşünürsünüzsə ki, Orxan İsmayılzadənin aliment ödəməyə maddi imkanı yoxdur, yanılırsınız.
Orxan İsmayılzadə böyük bir varidatı olan Mikayıl İsmayılovun varisidir. Mikayıl İsmayılovun mətbuatda yayılan natamam sərvət siyahısına nəzər salaq:
Ağsuda 3 villa və meyvə bağı – 4 hektar ərazidə.
Bakıda 2 bina – 16 mərtəbəli yaşayış binaları. “Panorama” və “Axırıncı Aşırım” restoranları – hər biri milyonlarla manat dəyərində.
Ağsunun Çiyni kəndində Aqropark və 5 hektarlıq anbar.
Ağsu parkında aptek və restoran – yeznəsinin adına.
Şamaxıda “Şərədli” restoranı, “Ümid” adlı tədris mərkəzi, “Çinarlı Plaza”, üzüm və nar bağları, böyük anbarlar, makaron zavodu, AFFA-ya icarəyə verilmiş stadion, və daha nələr, nələr...
Bu obyektlər Mikayıl İsmayılovun yaxınlarının, qohumlarının, sürücüsünün və yeznələrinin adınadır. Amma hər kəs bilir ki, bu sərvət bir ailəyə məxsusdur. Bu ailənin nümayəndəsi Orxan İsmayılzadə qızına aliment ödəməmək üçün gizlənir, aliment qaçağına çevrilib.
Milyonların varsa, dövlət adından çıxarılan qərarı icra etməyə bilərsən?
Bu sual təkcə Orxan İsmayılzadəyə yox, Azərbaycan cəmiyyətinə verilməlidir. Əgər aliment ödəməyən, məhkəmə qərarlarına əməl etməyən, dövlətin hüquqi prosedurlarını saya almayan biri cəzasız qalırsa, bu, artıq şəxsi yox, ictimai problemdir. Bir uşaq atasını tanımadan böyüyür. Babasının sərvəti milyonları aşır. Uşağa isə ayda 500 manat ödəmək İsmayılzadəyə çox görünür.
Görəsən, Orxan İsmayılzadənin atası Mikayıl İsmayılov olmasaydı, o, bu şəkildə aliment ödəməkdən yayına bilərdi?
Diqqət Çəkənlər
Prezident tələb etdi: Milli Məclis toplanır
Prezident İlham Əliyevin Milli Elmlər Akademiyasının 80 illik yubiley yığıncağında Azərbaycan dili, terminologiya və toponimiya ilə əlaqədar irəli sürdüyü tələblər və vəzifələr Milli Məclis yanında Toponimiya Komissiyasında müzakirə ediləcək. "Bakuinfo" Globalinfo.az-a istinadla xəbər verir ki, bunu Azərbaycan Milli Elmlər Akademiyasının prezidenti, Komissiyanın sədri İsa Həbibbəyli deyib. Onun sözlərinə görə, müzakirələrdə Komissiyasının üzvləri ilə yanaşı bu məsələlərlə məşğul olan
14 nəfərə general rütbəsi verilib - SİYAHI
Cari ilin əvvəlindən dövlət başçısının imzaladığı sərəncamlarla 14 nəfər hərbçi “general-mayor” ali hərbi rütbəsinə layiq görülüb. Daha 3 nəfər hərbi qulluqçuya isə “general-leytenant” ali hərbi rütbəsi verilib. "Bakuinfo" xəbər verir ki, “Yeni Sabah” 2025-ci il ərzində ali hərbi rütbələr almış hərbçiləri araşdırıb: Prezident İlham Əliyevin 25 iyun 2025-ci il tarixli sərəncamına əsasən, Azərbaycan Respublikası Müdafiə Nazirliyinin hərbi qulluqçuları polkovnik İdris Mustafa oğlu
Baş idarə Rəisi vəzifədən azad edildi
İqtisadiyyat Nazirliyi yanında Dövlət Vergi Xidmətinin (DVX) Milli Gəlirlər Baş İdarəsində kadr dəyişikliyi olub. “PostMedia” xəbər verir ki, İdarə rəisi Fərhad Tofiq oğlu Quliyev vəzifəsindən azad edilib. Hazırda onun yerinə təyinat yoxdur və bu vəzifəni Dövlət Vergi Xidmətinin rəis müavini icra edir. Qeyd edək ki, əvvəllər “Azərbaycan Xəzər Dəniz Gəmiçiliyinin” QSC-nin sədr müavini olan Fərhad Quliyev 2022-ci ildə bu vəzifəyə gətirilmişdi.
Son Xəbərlər
Baş nazirin birinci müavini istefa ərizəsi yazdı - Foto
Naxçıvan Muxtar Respublikası Baş nazirinin birinci müavini Elşad Əliyev istefa ərizəsi yazıb. "Bakuinfo "Yeni Sabah"a istinadən xəbər verir ki, o, noyabrın əvvəlində vəzifədən azad olunması üçün rəhbərliyə müraciət edib. Hələlik E.Əliyevin ərizəsi qəbul olunmayıb. Bunun əsas səbəbi isə hazırda onun Naxçıvan Muxtar Respublikasının Baş nazirinin səlahiyyətlərini icra etməsidir. Muxtar respublikanın Baş naziri Ceyhun Cəlilov noyabrın 12-də Naxçıvanda Azərbaycan Prezidentinin
İş günü qısaldılacaq - Bu tarixdə
Azərbaycanda 30 dekabr qısaldılmış iş günüdür. 31 Dekabr – Yeni il bayramı və Dünya Azərbaycanlılarının Həmrəylik günü ilə əlaqədar olaraq, 30 dekabr (çərşənbə axşamı) ölkə üzrə qısaldılmış iş günü olacaq. Əmək Məcəlləsinin 108-ci maddəsinə əsasən, bayram günündən əvvəlki iş günü bir saat azaldılır. Bu səbəbdən dövlət və özəl müəssisələrdə 30 dekabrda iş vaxtı adi günlərlə müqayisədə bir saat daha qısa olacaq. Qeyd edək ki, 1–2 yanvar tarixləri də qeyri-iş günləridir./Metbuat.az
Səməd Həsənova yüksək vəzifə verildi
Səməd Həsənov Özbəkistan Respublikasında yerləşməklə Mərkəzi Asiya ölkələri (Qazaxıstan, Qırğızıstan, Özbəkistan, Tacikistan və Türkmənistan) üzrə ticarət nümayəndəsi təyin edilib. "Bakuinfo" xəbər verir ki, bu barədə İqtisadiyyat Nazirliyi məlumat yayıb. Bildirilib ki, Azərbaycanın Mərkəzi Asiya ölkələri üzrə ticarət nümayəndəsi Azərbaycan və Mərkəzi Asiya ölkələri arasında ticarət-iqtisadi əməkdaşlığın inkişafında, bu ölkələrdə "Made in Azerbaijan" brendinin və
Baş Prokurorluqdan açıqlama - Xəlilov Bakıya GƏTİRİLDİ
Beynəlxalq axtarışda olan şəxs ölkəmizə ekstradisiya edilib. Baş Prokurorluğun mətbuat xidmətindən "Bakuinfo-ya bildirilib ki, vəsatəti əsasında Rusiya Federasiyasının Baş Prokurorluğu tərəfindən «Mülki, ailə və cinayət işləri üzrə hüquqi yardım və hüquqi münasibətlər haqqında» 07.10.2002-ci il tarixli Konvensiyanın tələblərinə uyğun olaraq Azərbaycan Respublikası vətəndaşı Xəlilov Əkbər Tariyel oğlunun ekstradisiyası haqqında qərar qəbul olunub. Belə ki, Bakı şəhəri Qaradağ rayon polis
DTX Xankəndidəki iclasdan - Video paylaşdı
Məlum olduğu kimi, noyabrın 14-də Xankəndi şəhərində “Beynəlxalq nəqliyyat xətlərinin təhlükəsizliyinin təmin olunmasında xüsusi xidmət orqanlarının rolu” mövzusunda Türk Dövlətlərinin Xüsusi Xidmət Orqanları Konfransının XXVII plenar iclası keçirilib. “Bakuinfo" xəbər verir ki, Dövlət Təhlükəsizliyi Xidmətinin (DTX) sosial şəbəkə hesablarında tədbirin videosu paylaşılıb. Həmin paylaşımı təqdim edirik:
Prezident tələb etdi: Milli Məclis toplanır
Prezident İlham Əliyevin Milli Elmlər Akademiyasının 80 illik yubiley yığıncağında Azərbaycan dili, terminologiya və toponimiya ilə əlaqədar irəli sürdüyü tələblər və vəzifələr Milli Məclis yanında Toponimiya Komissiyasında müzakirə ediləcək. "Bakuinfo" Globalinfo.az-a istinadla xəbər verir ki, bunu Azərbaycan Milli Elmlər Akademiyasının prezidenti, Komissiyanın sədri İsa Həbibbəyli deyib. Onun sözlərinə görə, müzakirələrdə Komissiyasının üzvləri ilə yanaşı bu məsələlərlə məşğul olan
Azərbaycanda əməkdar artist vəfat etdi
Şuşa Dövlət Musiqili Dram Teatrının direktoru, Əməkdar artist Yadigar Muradov vəfat edib. “Bakuinfo” xəbər verir ki, bu barədə teatrın sosial media hesabında paylaşım edilib. Bildirilib ki, o, müalicə aldığı xəstəxanada həyata gözlərini yumub. Xatırladaq ki, səhhəti pisləşən Yadigar Muradov oktyabrın 4-ü xəstəxanaya yerləşdirilmişdi.
Ziya Məmmədovun ən sadiq kadrına yüksək vəzifə verildi
Azərbaycan Dəmir Yolları” Qapalı Səhimdar Cəmiyyətinin (ADY) Hərəkət vasitələrinin təmiri departamentinin rəisi Elyar Muradov vəzifəsindən azad edilib. "Bakuinfo" xəbər verir ki, QSC-nin sədri Rövşən Rüstəmov bu barədə əmr imzalayıb. Rövşən Rüstəmovun digər əmri ilə Elyar Muradovun vəzifəsi bir qədər yüksəldilib və “Azərbaycan Dəmir Yolları”nın Baş Mühəndisi təyin olunub. Qeyd edək ki, 2012-ci ildə Prezidentin fərmanı ilə “Əməkdar mühəndis” adını alan Elyar Muradov 2004-2023-cü
Baş idarə Rəisi vəzifədən azad edildi
İqtisadiyyat Nazirliyi yanında Dövlət Vergi Xidmətinin (DVX) Milli Gəlirlər Baş İdarəsində kadr dəyişikliyi olub. “PostMedia” xəbər verir ki, İdarə rəisi Fərhad Tofiq oğlu Quliyev vəzifəsindən azad edilib. Hazırda onun yerinə təyinat yoxdur və bu vəzifəni Dövlət Vergi Xidmətinin rəis müavini icra edir. Qeyd edək ki, əvvəllər “Azərbaycan Xəzər Dəniz Gəmiçiliyinin” QSC-nin sədr müavini olan Fərhad Quliyev 2022-ci ildə bu vəzifəyə gətirilmişdi.
Türk gəmisi Ukraynada dronla vuruldu
Türkiyəyə məxsus “Orinda” gəmisi Ukraynada PUA tərəfindən atəşə tutulub. “Bakuinfo” Türkiyə mediasına istinadən xəbər verir ki, hücum nəticəsində gəmidə yanğın baş verib. Hadisə zamanı 16 nəfərlik heyət təxliyə olunub. Məlumata görə, xəsarət alan olmayıb. Bildirilir ki, ekipaj üzvlərinin səhhəti yaxşıdır və yanğın dənizdə nəzarət altına alınıb.
